貓仔睇醫生 _ 28 Sept 2008

今日一次過帶晒 miu 仔 well 囡去睇醫生
唔知係唔係因為要係個老婆面前扮大佬、表現自己o既關係
平日一出街就驚到唔停咁叫o既 miu miu 今日無咩幾句
全程只有 well 囡一個係咁叫....哈哈哈

成年無見, 醫生一眼就認出 miu 仔
好明顯上次o既慘痛經歷對醫生哥哥黎講太深刻啦



Miu 仔之所以口臭, 原來係有隻牙發炎, 可能要脫左佢
另外佢近頸位又出現一粒新o既波波, 醫生叫我考慮清楚做唔做手術
同上次同一個問題, 就係畢竟佢年紀大, 手術風險大

至於 Well 囡就塞左腺體, 就黎爆咁滯
呢個就係之前我地見佢個 pat pat 唔知點解又紅又黑的原因
醫生幫佢唧左好大堆好似栗子蓉o的便便出黎 @_@
另外佢牙仔一樣唔多好, 不過我地又實在無辦法幫佢擦到牙
好麻煩 ~>_<~ 另外兩隻野都要轉食醫生糧 (特別貴價的~!!!)

Well囡驗血、連埋兩個野的藥 & 的士錢
今日足足又唔見左千六、七蚊
痛~!!!!!!!